Високиот крвен притисок повеќе од двојно го зголемува ризикот од хоспитализација за време на инфекција со Ковид-19, варијанта омикрон, дури и кај луѓе кои се целосно вакцинирани и кои примиле бустер доза, покажала американска студија.
Ризикот од тешка болест е зголемен кај луѓето со добро познати фактори на ризик како што се возраста, срцева слабост или бубрежна болест, објавија истражувачите во списанието „Hypertension“. Но, хипертензијата е поврзана со најголем ризик, повеќе од дупло зголемувајќи ги шансите некој со Ковид-19 да мора да биде хоспитализиран
Лекарите во медицинскиот центар „Cedars-Sinai“ во Лос Анџелес проучувале 912 луѓе со Ковид-19 кога варијантата омикрон била доминантна и покрај тоа што примиле најмалку три дози од вакцината Pfizer/Biontech или Moderna, вклучувајќи 145 на кои им била потребна хоспитализација, пренесува „Ројтерс“.
Ризикот од тешка болест е зголемен кај луѓето со добро познати фактори на ризик како што се возраста, срцева слабост или бубрежна болест, објавија истражувачите во списанието „Hypertension“.
Но, хипертензијата била „поврзана со најголем ризик“, повеќе од дупло зголемувајќи ги шансите некој со Ковид-19 да мора да биде хоспитализиран, додаваат тие.
Дури и кога се набљудуваат само помлади луѓе со генерално здрави органи, хипертензијата сè уште е поврзана со „значајни ризици“, откриле тие.
„Бевме изненадени кога дознавме дека многу луѓе кои биле хоспитализирани со Ковид-19 имале хипертензија и немале никакви други фактори на ризик“, рече д-р Сузан Ченг, која ја водеше студијата.
Таа додаде дека тоа е загрижувачко, со оглед на фактот што голем број луѓе имаат висок крвен притисок. Само во Америка, речиси половина од возрасните имаат висок крвен притисок.
