Додека дел од бремените жени навистина блескаат во секој поглед, кожата и косата се поубави и поздрави и се чувствуваат одлично, друг дел трудници се соочуваат со константен замот уште од привте недели на бременоста. Тука се и чести проблеми со тенот, од сувост на кожата до проблеми со мозолчиња. Главни виновници за сите овие необични симптоми со кои не сте се среќавале до бременоста се хормоните.
Бременоста дефинитивно е поинаква состојба, а за таа се одржи како што треба, промените во телото се неизбежни. Хормоните во текот на бременоста се главниот двигател на процесите во организмот.
ГОНАДОТРОПИН
- Овозможува овулација
Нивната улога е исклучително важна, бидејќи предизвикуваат овулација. Секој месец овозожуваат созревање на јајце клетките во јајчниците, нивно исфрлање и подготовка на слузокожата на матката да ја профати кога ќе дојде до оплодување. За време на бременоста, излачувањето на гонадотропин престанува, за да по породувањето, неговото делување постепено повторно започне.
ХУМАН ХОРИОНСКИ ГОНАДОТРОПИН (hCG)
- За потврда на бременост
Благодарение на еден дел од овој хормон, многу рано може да се утврди бременост. За него се врзува и појавата на мачнини на почетокот од бременоста. Количината на beta hCG во крвта и урината значајно се зголемува веќе седмиот ден по зачнувањето.
ПРОГЕСТЕРОН
- Заштитник на бременоста
Прогестеронот е исклучително важен хормон и често се нарекува заштитник на бременоста. Тој ја подготвува слузокожата на матката (ендометриум) за прифаќање на оплодената јајце клетка, за да се овозможи всадување во матката. Овој хормон има важна улога и во релаксација на мускулите, што е исклучително значајно оти спречува контракции на матката и на тој начин ја намалува опасноста од спонатн абортус и предвремено породување.
ЕСТРОГЕН
- За женственост
На почетокот од бременоста, нивото на естроген во крвта и урината е ниско, додека со напредување на бременоста неговата количина се зголемува. Доколку анализите покажат дека нивото на естроген стагнира или се намалува, тоа може да значи дека плодот е сериозно загрозен. Треба да се нагласи дека породувањето почнува токму кога естрогенот, кој предизвикува контракција на матката, го надминува балансот што постои со прогестеронот.
ОКСИТОЦИН
- Хормон на мајчинството
Тоа е хормон со повеќекратно дејство врз организмот на жената. Се нарекува и хормон на љубовта, оти е докажано дека развојот на емоции помеѓу маж и жена директно зависи од создавањето на окситоцин во централниот нервен систем. Овој хормон кај жената делува на јајцеводите, така што предизвикува контракции и движења кои овозможуваат јајце клетката да се сретне со сперматозоидот и така да дојде до зачнување. Окситоцинот предизвикува контракции на мускулите на матката, што доведува до ширење на грлото на матката, па до спуштање на плодот, а потоа и до породување. Овој хормон се смета и за хормон на мајчинството, оти развива инстикт на грижа кај мајката за новороденото дете.
ПРОЛАКТИН
- Подготовка за доење
Негова основна улога е регулирање на лачењето млеко. Во крвта на жената се наоѓа во мали концентрации, но за 48 часа по породувањето, неговото ниво енормно се зголемува, подготвувајќи ги дојките за доење.
