Првите две години од животот на детето се најважни за развојот на мозокот, вклучувајќи ги и центрите во мозокот одговорни за меморија, обработка, планирање и внимание. Според Американската академија за педијатрија, одредени хранливи материи се особено важни, а нивниот недостаток може да предизвика последици по развојот на мозокот и когнитивните способности. Станува збор за нутриенти, односно хранливи материи како што се железо, цинк, бакар, холин и витамин Д.
Според Академијата, недоволното внесување на овие клучни хранливи материи може да доведе до дефицит во функцијата на мозокот што не може да се поправи. За жал, многу бебиња постари од 6 месеци не добиваат соодветни количини на цинк, железо и витамин Д. Затоа, важно е да се обезбеди внесување на овие состојки кога ќе дојдете времето за дохрана.
Кои намирници се важни за правилен развој на функциите на мозокот?
- Протеини: месо, живина, риба, јајца, јогурт, грав, житарки
- Цинк: говедско, свинско, млеко, тофу, грав, путер од кикирики
- Бакар: цели зрна, грав, компири
- Железо: говедско месо, пилешко, риба, збогатени житарки, спанаќ, грав
- Селен: пилешко, збогатени тестенини, јајца, кафеав ориз
- Холин: говедско месо, живина, јајца, бела риба, лосос, грав
- Фолна киселина: спанаќ, сок од портокал, ориз, авокадо, леб од цели зрна
- Јод: бакалар, кујнска сол, млеко, ракчиња, јајца, конзервирана туна
- Витамин А: слатки компири, моркови, манго, јајца, млеко
- Витамин Д: лосос, туна, млеко, сок
- Витамин К: спанаќ, кељ, брокула, грашок, боровинки
- Витамин Б6: житарки, наут, банани, компири, путер од кикирики
- Витамин Б12: житарки, лосос, млеко, говедско месо, јогурт, сирење
- Полинезаситени масни киселини со долг ланец: риба, масло од репка, ленено семе, сончогледово масло
Имајте предвид дека млекото, кое всушност не е млеко (како овес, соја, ориз) не се препорачува како примарна напивка за деца под една година. Најдобро е детето да продолжи да консумира мајчино млеко или млечна формула.
