Рутината е од огромно значење за секое бебе. Тие се создадени за навики. Предвидливата рутина им олеснува и на родителите и на детето и помага да се формира посилна врска помеѓу двете страни. Бебињата развиваат чувство на сигурност и доверба кога имаат редовни навики. Ваквите чувства на љубов и навика ќе останат изразени кај вашето дете долги низ години.
Зошто се важни редовните оброци?
Детето многу време минува во јадење – ако се придржувате на редовната рутина, докажано е дека бебето ќе биде посреќно и поопуштено. Штом видите дека вашето дете е гладно, нахранете го. Ако тоа лесно се вознемирува, хранете го во просторија со помалку светло, не гледајте телевизија, не одговарајте на мејлови, бидејќи ако тоа го правите дека го храните, му испраќате порака дека не е доволно важно за вас.
Не се нервирајте ако детето бара да јаде на секои три часа. Рутината не е исто што и распоредот. Повеќето стручњаци, меѓу кои е и Американското здружение на педијатри се согласуваат дека е исправно бебето да се храни кога е гладно, особено во текот на првите недели додека текот на доењето и хранењето не се воспостават како навика.
Зошто играта со бебето е важна?
Фокусирајте се на забава, оти и на многу малите бебиња им е неопходна игра во текот на денот. Тие се навистина како мали сунѓери и тоа се моменти кога најмногу осознаваат за својата околина, ги истражуваат прстињата, облеката. Подоцна, децата ќе бидат многу посигурни во учењето, доколку играта во текот на нивното најрано детство била секојдневие.
Како да го стимулирате? Читајте му, покажувајте му нови играчки и оставете да си игра на подот. Не користете го ова време за чистење на домот и зборување на телефон, бидете присутни со своето дете. Не паничете ако вниманието на детето е кусо – тоа е нормално. Пет до 10 минути игра за тукушто родено бебе е многу. Тие се многу чувствителни на бои, звуци и светлина. Ќе почнат да превртуваат со очињата и да изгледаат незаинетерсирано кога ќе им е доста забава.
Капењето како забава
Ова може за бебето да претставува освежувачко утринско будење или убава подготовка за одмор, зависно од тоа дали капењето го стимулира или опушта вашето бебе. Темпераментот на бебето и вашиот личен распоред ќе го одреди времето на капење.
Не се нервирајте ако на почетокот капењето не му се допаѓа на бебето. Соблекувањето и водата може а бидат стресни за него. Ако увидите дека навистина не му годи, капете го со топол сунѓер неколку дена.
Добар сон – мирно бебе
Сместувањето на детето во кревет е можеби најважната дневна рутина. Бебето ќе има подобар сон, ако го легнувате во кревет во исто време, Најдобро е тоа да биде помеѓу 19 и 20 часот. Ако го преморите бебето во текот на денот, ќе има и поголеми проблеми при успивањето. Препознајте ги знаците на замор навреме: суштени капаци, триење на очињата, плачливост и зевање. Еден час пред спиење започнете со рутината, а таа може да вклучува капење, масажа, приспивна песна, читање книга. Потрудете се пред спиење да му читате со смирен глас.
