Висок крвен притисок, дијабетес, дебелина и возраста се покажа дека се најчестите причини поради кои некои пациенти не го преживуваат КОВИД-19. Имено, се се тоа ризик фактори кои може да предизвикаат компликации кај заболените од новиот коронавирус, за кои неретко нема лек.
Но, во последно време се повеќе се зборува и за можната “генетска подлога“, односно фактот дека за тоа како кој се носи со коронавирусот, влијание може да има и нашата генетска ранливост.
Како пример за улогата на генетиката, холандскиот генетичар Александар Хоихен од Медицинскиот центар на Универзитетот Радбуд, наведува двајца браќа, двајцата помлади од 35 години, ианку комплетно здрави, кои се заразиле со коронавирус и двајцата завршиле на респиратор.
“Во таков случај, веднаш се прашувате можат ли генетските фактори да играат улога“, вели Хоихен и додава дека тоа може да биде случајност да двајцата бидат така тешко болни, но и последица на грешка во имуниот систем.
За време не проучувањето на овие два случаи, научниците добиле дојава за уште две млади лица на друг дел во Холандија, кои исто така завршиле на респиратор и тргнале со истражување со оглед на тоа што тие немале никаква семејна поврзаност. Додека траело истражувањето, едниот од нив, ја изгубил битката со коронавирусот.
За да ја идентификуваат генетската ранливост на инфекцијата, истражувачите ги секвенционирале нивните егзоми кои содржат делови кои ги кодираат протеините во сите гени. Посебно внимание посветиле на гените за кои се знае дека се вклучени во вродениот имунолошки одговор.
Се покажало дека сите четворица мажи имале мутација на генот кој во некои имунолошки клетки произведува рецептор TLR7. Имено, TLR7 го предупредува имуниот систем на инфекција, односно на откривање на еден синџир на РНК кој го носат некои вируси, како што е тоа случајот со SARS-CoV-2.
Научницте исто така мислат дека тој рецептор препознава и тесно поврзани коронавируси како МЕРС и САРС. Кога вирусот се активира, рецепторот “буди“ ослободување на интерферон, односно молекули на имунолошка сигнализација кои учествуваат во одбрана на организмот од вирусни инфекции.
