КОВИД-19 најтешко ги погаѓа овие два клучни органа

Новиот коронавирус влијае на целиор организам, но во потешка клиничка форма, посебно негативно влијае на два витални органа.

Новиот коронавирус најтешко ги погаѓа срцето и белите дробови, посебно ако пациентите добијат тешки форми на симптоми на КОВИД-19, вели рускиот министер за здравство Михаил Мурашко.

“Можеме да видиме дека на оние пациенти кои ја прележале инфекцијата со коронавирусот, особено во нејзина потешка форма, секако им е потребна рехабилитација. Најранливи органи и системи се белите дробови. Второ значајно прашање кое исто така бара лекарска помош се срцевите проблеми, особено миокардитисот“, вели рускиот министер.

Мурашко нагласува и дека не се препорачуваат напорни физички активности поради големата исцрпеност кај излекуваните пациенти.

“Покрај тоа, болеста која е прележана, не овозможува обновување на функционалноста и капациетот на белите дробови“, додава тој.