Министерот за здравство на Велика Британија Мет Хенкок изјави дека најмалку 60 локални управи во Англија забележале инфекции со коронавирус предизвикани од нов сој на коронавирус.
Министерот за здравство исто така рече дека е известена Светската здравствена организација и дека британските научници прават детални истражувања.
- Ханкок додаде дека „ништо не сугерира“ дека новиот сој предизвикува потешки форми на болеста или дека вакцината нема да биде ефикасна и за овој вид на вирусот
Тој, исто така, им порача на пратениците во Долниот дом дека минатата недела е забележано нагло, експоненцијално зголемување на новите случаи на подрачјето на Лондон, Кент, делови од Есекс и Хертфордшир.
„Не знаеме во која мера наглиот раст на инфицирани е резултат на новиот сој на вирусот, но без оглед на причината, треба да преземеме брза и одлучна акција. Тоа е апсолутно неопходно за да може да ја контролираме оваа смртоносна болест се додека не ја добиеме вакцината во широка употреба“, изјави тој. (Би-Би-Си)
