Очекуваните несакани ефекти, кои често се јавуваат, се слични на несаканите ефекти од другите вакцини и обично се со благ до умерен интензитет и поминуваат спонтано во текот на неколку дена или со симптоматска терапија (на пр. ладни облоги, антипиретици и лекови против болки). Може да се појави главоболка, покачена температура и болка на местото на инјектирање
Како и повеќето вакцини, и вакцината против Ковид-19 се дава во горниот дел на раката. По првата доза, следува и втора, која се дава во период од околу еден месец.
Но, како да избереме во која рака ќе ја примиме вакцината?
Можете сами да одберете рака во која сакате да ја примите вакцината, која не се разликува многу од другите вакцини, така што нема правилен или погрешен избор. Лекарот може да ве советува, но конечната одлука зависи од вас. Некои велат дека треба да се избере доминантната рака затоа што повеќе ја користиме и повеќе ја движиме, а со тоа и влијаеме на крвотокот. Тоа значи дека со постојаните движења ќе го ублажиме и чувството на болка и ќе го скратиме времетраењето на симптомите. Но, бидејќи болката може да трае и до два дена по вакцинирањето, ако изберете рака што не е доминантна, ништо нема да ве спречи да ја завршите работата.
Несакани ефекти
Очекуваните несакани ефекти, кои често се јавуваат, се слични на несаканите ефекти од другите вакцини и обично се со благ до умерен интензитет и поминуваат спонтано во текот на неколку дена или со симптоматска терапија (на пр. ладни облоги, антипиретици и лекови против болки). Може да се појави главоболка, покачена температура и болка на местото на инјектирање.
Меѓу сериозните несакани ефекти, најчесто се забележани реакции на преосетливост, кои се манифестираат како осип и чешање кратко време по вакцинацијата, што доведува до примена на антиалергиски лекови. Исто така, поретко се пријавени реакции како пареза на лицето или периферна слабост на едната страна од лицето. Овие реакции обично се поврзани со отекување на ткивото што го притиска нервот и најчесто се минлива состојба.
Ако сте забележале осип околу местото каде што сте примиле вакцина, може да се работи за Ковид-рака, според веб-страницата на Американскиот центар за контрола и превенција на болести. Со медицински речник, се работи за одложена реакција на кожата.
