За коронавирусот често се дискутира во стилот црно-бело: или ја добивате болеста или не, или се разболувате или не, или оздравувате или заминувате. Но, постои и средина во сето тоа: околу 10 до 30% од луѓето кои ќе се разболат од Ковид-19, дури и претходно супер-здрави луѓе кои имаат блага форма на болеста – се разболуваат и се соочуваат со долг Ковид, чии симптоми може да бидат навистина исцрпувачки и да им го отежнат животот.
Неодамнешното истражување на Националното биро за статистика на Обединетото Кралство (ONS) ги набројува најчестите симптоми што се јавуваат по прележување на болеста.
Чувствувате хроничен замор
Хроничниот замор е најчесто пријавениот симптом на болеста. Во овој случај не само што ќе се чувствувате поспано, туку нема да можете да функционирате како што сте функционирале пред болеста.
„Како некој да ве тепа, и тоа се повторува постојано“, вели Пол Гарнер, професор на Универзитетот во Ливерпул. Тој додава дека првите два месеци по болеста биле исклучително тешки за него, дека неговата состојба сега се подобрува, но тој се уште се чувствува многу уморен, има магла во главата и не може добро да проценува, а справувањето со тоа е целодневна работа.
Јаките главоболки можат да бидат предизвикани од ширење и стегање на крвните садови во мозокот, а проблемот може да се појави и кај децата. „Ги разгледавме симптомите на долг Ковид кај децата и за жал забележавме дека тие се јавуваат и кај нив, најчесто во форма на замор и главоболки“, објасни Рошел Валенски, директор на Американскиот центар за контрола и превенција на болести
Краток здив
Ковид-19 е првенствено респираторна болест и штетата што ја прави на белите дробови многу тешко се поправа. Иако некои луѓе немаат никакви проблеми, оние што ја доживеале оваа состојба може да страдаат од неа долго по првичната зараза. Ова е вториот најчест симптом на долгорочен Ковид-19.
Ве болат мускулите
Д-р Ентони Фаучи предупредува дека долгиот Ковид често има симптоми на болки во мускулите и зглобовите, заедно со треска, замор и когнитивни проблеми, како што се проблеми со меморијата. Тој додава дека кај овие луѓе кои ги имаат споменатите симптоми, истите не исчезнуваат долго време по самата болест.
Проблеми со концентрација
Еден од вообичаените симптоми што се гледаат кај луѓето кои ја прележале болеста е нешто што тие го опишуваат како „магла“ во мозокот, а тоа исто така може да се однесува на проблеми со краткотрајна меморија, губење на памтењето, општа збунетост, проблеми со концентрација или едноставно се чувствуваат поинаку отколку пред самата болест. Мозочната магла е една од долгорочните последици на Ковид-19. Овие проблеми секако не се безопасни.
Има пациенти кои се целосно оздравени и се чини дека немаат никакви симптоми, но кога ќе се испитаат, на пример, со магнетна резонанца, кај голем број од нив се забележува воспаление на срцевиот мускул
Може да имате главоболки
Јаките главоболки можат да бидат предизвикани од ширење и стегање на крвните садови во мозокот, а проблемот може да се појави и кај децата.
„Ги разгледавме симптомите на долг Ковид кај децата и за жал забележавме дека тие се јавуваат и кај нив, најчесто во форма на замор и главоболки“, објасни Рошел Валенски, директор на Американскиот центар за контрола и превенција на болести.
Воспаление на срцето (срцевиот мускул)
„Откривме дека има пациенти кои се целосно оздравени и се чини дека немаат никакви симптоми, но кога ќе се испитаат на пример со магнетна резонанца, кај голем број од нив се забележува воспаление на срцето. Токму ваквите податоци ни велат дека мора да бидеме скромни се додека не ја разбереме целосно природата на оваа болест“, вели д-р Фаучи.
