Секој родител ќе каже дека воодреден период од животот децата растат “како од вода“. Буквално за еден месец цела гардероба и обувки кои само што им се купени, одеднаш им се омалени. Дали тоа нам само ни се чини или постои период кога детето забрзано расте?
Научни студии покажуваат дека децата побрзо добиваат на висина и на тежина во првата половина од годината, односно најмногу во текот на пролетта и летото. Овие податоци и не изненадуваат со оглед дека со почетокот на пролетта се во природа расте и се развива.
“Постојат неколку причини за вака изразен раст во текот на пролетните и летните денови. Прво, има повеќе сончеви денови, а под влијание на сонцето се произведува витамин Д, кој влијае на растот на коските и мускулното ткиво. Сонцето исто така го забрзува метаболизмот, а со самото тоа и растот“, истакнуваат педијатрите.
“Второ, по топлото време телото не троши многу енергија за да се загрее, па онаа што се акумулира може да користи во други цели, односно за раст. Трето, децата поминуваат повеќе време на отворено, а физичката активност придонесува не само за раст, туку и за јакнење на сите ткива на телото. И на крајот, во текот на летото исхраната се базира на големи количини овошје и зеленчук богати со витамини, минерали и хранливи материи, а кои се неопходни за раст на детето“, напоменуваат педијатрите.
