Резултатите од клинички испитувања на вакцината против КОВИД-19 на Фајзер, покажале дека нејзината ефикасност е стопроцентна кај младите на возраст од 12 до 25 години. Фајзер планира брзо да ги достави податоци од клиничките истражувања до Агенцијата за храна и лекови на САД (FDA) за проширено одобрение за итна употреба на вакцината со две дози.
Во третата фаза на испитување, учествувале 2260 лица на возраст од 12 до 15 години од САД и вакцината кај нив предизвикала силна реакција на антитела еден месец по втората доза – надминувајќи ги антителата кои ги развиле испитаниците во возрасната група од 16 до 25 години.
Вакцината во моментов во САД е одобрена за итна употреба кај лица постари од 16 години.
По прашање на несаканите ефекти кај тинејџерите, Фајзер информира дека тие се слични како кај популацијата на возраст од 16 до 25 години – болка на место на убодот, замор и покачена телесна температура.
Учесниците во истражувањата ќе бидат надгледувани заради заштита и безбедност, две години по примената втора доза.
Научниците можат го дефинираат бројот на антитела што ги штитат возрасните, а потоа тоа ниво на антитела го бараат и кај децата, за да знаат дали и во која мера вакцината им обезбедува заштита. Поради тоа за истражување на ефективноста на вакцината кај децата и адолесцентите биле потребни помалку волонтери отколку кај возрасните.
Во Фајзер се надеваат дека вакцинирањето на помладата популација ќе почне пред почетокот на идната училишна година.
