Од сите податоци кои стручњаците за ова кусо време успеаа да ги соберат за коронавирусот за доилките и новороденчињата, издвојуваме се што мајките кои дојат би требало да го знаат.
Коронавирусот е нова болест, па оттаму и ограничениот број на студии и сигурно докажани факти. Сепак, иако не постојат точни и конкретни докази, досега се покажало дека бремените жени не се почувствителни од останатите на овој вирус, како и тоа дека тој не се пренесува од мајката на бебето.
На прашањето дали вирусот се пренесува преку мајчиното млеко, кое на мајките, особено оние кои дојат им е особено значајно, одговорот засега е негативен, и досега не е регистриран таков случај.
Според Светската здравствена организација и УНИЦЕФ, мајката никако не треба да се одвојува од детето.
Доењето никако не треба да се прекинува, но е важно во близина на детето да се биде особено препазлив, бидејќи вирусот се пренесува по капков пат. Допирот и блискиот контакт со мајката му помага на бебето да напредува во развојот. Слободно допирајте го своето бебе и дојте го, но мора да почитување дополнителни мерки за заштита.
МЕРКИ НА ПРЕТПАЗЛИВОСТ ПРИ ДОЕЊЕ:
- Редовно миење на рацете пред и по допирање на бебето
- Задолжително применувајте респираторна хигиена додека доите, носете маска кога сте со бебето
- Одржувајте ги и деизнфицирајте ги површините кои ги допирате
ШТО АКО МАЈКАТА Е ПОЗИТИВНА НА КОРОНАВИРУС?
Доколку сте позитивна на КОВИД-19, најдобро е да разговарате со својот лекар за тоа дали треба да останете во иста просторија со бебето и да го доите. СЗО истакнува дека инфицирана мајка смее да остане во иста просторија и да го дои бебето, но со горенаведните мерки на заштита.
И експертите од Центарот за контрола и превенција на болести на САД истакнуваат дека се уште нема доволно докази кои би ја поддржале теоријата дека инфицираната мајка треба да се одвои од новороденчето.
ШТИТИ ЛИ МАЈЧИНОТО МЛЕКО ОД КОВИД-19?
На основа на знаењата за сите останати вируси, како грипот, постојат бројни причини да се верува дека со тек на време во мајчиното млеко ќе се пронајдат антитела на КОВИД-19. Засега, сепак не постојат валидни податоци.
