Изборот на храна е исклучително важна за децата уште од најрана возраст. За да бебето ги добие сите потребни витамини и минерали, а со тоа да се овозможи правилен развој на мозокот, на очите и општо на целиот организам, исхраната мора е разновидна и свежа. Ова се намирници кои е добро да се вбројат на менито на бебето од моментот кога ќе започнете со дохрана.
АВОКАДО – Авокадото е исклучително корисна храна која е мудро да се внесе во бебешката исхрана што порано. Изобилува со незаситени масти кои помагаат во развојот на детскиот мозок. Мастите од авокадото се многу слични на оние од мајчиното млеко.
БАНАНА – Бананите се база за многу кашички за бебиња. Богати се со калиум, содржат витамин Ц, Б6, калциум и железо, што ги прави суперхрана за најмладите.
БРОКУЛА – Зелениот зеленчук содржи влакна, калциум, спречува рак, го јакне имунитетот и делува на правилен развој на мускулите. Важно е да почне да се дава од најрана возаст, за детето да добие широк распон на вкусови во иднина.
МЕСО – Недоволно железо е главна причина за анемија, а Американското здружение на педијатри смета дека месото е одличен избор за прва храна, поради количината на протеини, цинк и железо. Бебето полесно го апсорбира железото од месото, во споредба со било која друга храна.
СУВИ СЛИВИ – Сувите сливи можеби не изгледаат како идеална храна за бебе, но нивните својства имаат позитивен ефект на организмот на децата. Меки се, благи и полни со влакна. Сливите поттикнуваат варење и обезбедуваат храната правилно да се движи низ дигестивниот систем.
ТИКВА – Тиквата со печење станува мека и лесно се претвора во храна соодветна за бебе. Богата е со бета каротен, и се грижи за здравјето на очите кај детето. Содржи големи количини витамин Ц, кој го штити бебето од болести, а нејзината текстура е идеална за кашички.
