Истражувачите наведуваат дека нивната студија објавена во часописот „Gut“ покажува дека исхраната може да игра значајна улога во намалувањето на ризикот од инфекција
Здравиот начин на исхрана на растителна база е поврзан со помал ризик за развој на Ковид-19 и помал ризик од тешки симптоми предизвикани од инфекцијата, открива нова студија.
Истражувачите ги прегледале податоците од 592.571 луѓе во Велика Британија и САД и откриле дека исхраната од растително потекло резултира со помал ризик од инфекција и потешки симптоми.
Во споредба со оние со пониски исходи, лицата со поздрава исхрана од растително потекло имале 9% помал ризик од развој на Ковид-19 и 41% помал ризик од развој на тешка клиничка слика.
Истражувачите наведуваат дека нивната студија објавена во часописот „Gut“ покажува дека исхраната може да игра значајна улога во намалувањето на ризикот од инфекција.
Ендрју Чан, гастроентеролог, ја нагласува важноста од вакцинација и носење маски во затворени простории, но вели дека нивната студија сугерира дека начинот на исхрана исто така може да го намали ризикот од инфекција со коронавирус.
И некои други студии имале слични резултати. Студија од јуни 2021 година, која вклучувала податоци од шест земји покажала дека исхраната од растително потекло, како и исхраната базирана на морски плодови, исто така се поврзани со помал ризик за развој на Ковид-19, пренесува „IFL Science“.
