Лицата заразени со омикрон имале за 50% помала веројатно дека ќе бидат хоспитализирани, околу 75% помала веројатност дека ќе им треба интензивна нега и околу 90% помала веројатност дека ќе починат во споредба со оние заразени со претходни доминантната делта варијанта, се наведува во истражувањето.
Од околу 50.000 лица заразени со омикрон, никој не завршил на респиратор. Престојот во болница траел просечно ден и половина во случај на зараза со омикрон во споредба со пет дена за делта, а 90 проценти од пациентите заразени со омикрон биле отпуштени за три или помалку денови од болница.
Анализата е спроведена врз основа на податоци од болничкиот систем на Јужна Калифорнија кој опфаќа популација од околу 4,7 милиони луѓе, а помеѓу 1. декември 2021 година и 2. јануари 2022 година, кога и двете варијанти беа широко распространети. Наодите од студијата следуваат по големи истражувања во земји вклучувајќи ги Јужна Африка и Британија, но и по тестирање на животни и клетки, кои открија дека омикрон подобро се реплицира во горниот респираторен тракт во споредба со белите дробови.
Новиот научен труд, кое се уште не поминал научна рецензија, го спроведоа научници од Универзитетот во Калифорнија и Центарот за контрола и превенција на болести (ЦДЦ).
“Оваа студија испитуваше важни клучни параметри како што се возраста, полот, претходна инфекција со SARS-CoV-2, претходна вакцинација и коморбидитети, изјави директорката на ЦДЦ, Рошел Валенски.
Оттука, резултатите сугерираат дека омикрон е “значително помалку сериозен од делта“, а забележаното намалување на бројот на тешки случаи не е само резултат на тоа што повеќе луѓе се вакцинирани и досега заразени, се наведува во научниот труд. Иако студијата забележала намалена ефикасност на вакцините против инфекција со омикрон, таа пронашла значајна трајна заштита од тешки исходи.
Валенски предупреди дека резултатите не треба да доведат до опуштање, со оглед дека екстремната заразност на омикрон и понатаму продолжува да го оптоварува веќе преоптоварениот здравствен систем и неговите исцрпени здравствени работници.
