Способноста на вирусот SARS-CoV-2 да преживее до девет часа на човечката кожа може да го зголеми ризикот од инфекција во контакт со други и со тоа да ја забрза пандемијата. Правилната хигиена на рацете е важна за да се спречи ширењето на коронавирусни инфекции, наведуваат авторите во заклучокот на студијата
Научниците од јапонскиот Универзитет во Кјото направија студија во која ја тестираа издржливоста на вирусот SARS-CoV-2 и вирусот на инфлуенца А (IAV) во мешавина од слуз од горните дишни патишта и на човечката кожа.
Тешкиот акутен респираторен синдром коронавирус 2 (SARS-CoV-2) што ја предизвика пандемијата може да преживее дури девет часа на човечка кожа, велат јапонските истражувачи. Студијата е објавена во списанието „Clinical Infectious Diseases“, а истражувачите нагласуваат дека правилната хигиена на рацете е клучна за спречување на ширење на вирусот.
Наспроти тоа, вирусот на грип А преживеал помалку од два часа на човечката кожа. Истражувачите исто така ја тестирале ефикасноста на дезинфекцијата од 80 проценти етанол против овие два вируси. Средството за дезинфекција ги уништило двата вируса во рок од 15 секунди.
„SARS-CoV-2 и IAV побрзо се инактивираа на површината на кожата отколку на другите површини како што се стакло и пластика. Времето на преживување беше значително подолго за SARS-CoV-2 (9,04 часа) отколку за IAV (1,82 часа). И SARS-CoV-2 и IAV во слузта и на човечката кожа беа целосно инактивирани во рок од 15 секунди по третманот со етанол“, наведуваат истражувачите.
Способноста на вирусот SARS-CoV-2 да преживее до девет часа на човечката кожа може да го зголеми ризикот од инфекција во контакт со други и со тоа да ја забрза пандемијата. Правилната хигиена на рацете е важна за да се спречи ширењето на коронавирусни инфекции, наведуваат авторите во заклучокот на студијата.
