Според препораките на Европското зздружение за детска гастроентерологија, како и Светската здрасвтвена организација, за деца до пет години препораката е два млечни оброка (400-500мл), млеко или млечни производи на ден, додека кај постарите деца до 12 години може да се зголеми за уште една доза, т.е. три млечни оброци, а над 12 години на 4 млечни оброци дневно.
Многу е важно да се напомене дека количините млеко и млечни производи мора да бидат ограничени на препорачаните дневни вредности. Прекумерното консумирање млеко може да има одредени последици на здравјето, како што се послаба телесна ухранетост, анемија и запек.
Значењето на млечните производи кај децата
ЈОГУРТОТ е најзастапен млечен производ во исхраната како кај возрасните, така и кај децата. Јогурот и слични производи (кефир, сурутка, кисело млеко), но и сирењето се млечни производи кои можете постепено да се воведат во детската исхрана, во ограничени количини и пред првиот роденден. Како и при воведувањето на сите намирници, тоа мора да оди постепено, за да се види како детето реагира на нив. Во јогуртот и сирењето нема лактоза, а млечните протеини се отстранети или во граници, што ги прави значајно полесни за варење од млекото. Јогрутот е богат со протеини и претставува важен извор на аминокиселини. Содржи значајни количини на минералите калциум, магнезиум, железо, јод, калиум и цинк, што допринесува за подобро здравје на целиот организам. Го зајакнува создавањето на гама-интерферон и така дополнително ја подобрува активноста на имуниот систем.
СИРЕЊЕТО е намирница која кај нас е присутна речиси во сите три оброци. Кога ќе се одлучите да го вклучите во исхраната на бебето, мора да бирате сирења кои се прават од пастеризирано млеко. Сирењата како младо сирење, фета и слични обично се правени од свежо непастеризирано млеко, па може да содржат бактерии, особено листерија, па затоа кај бебињата и малите деца треба да се избегнуваат.
КЕФИРОТ настанува со процес на ферментација на млечниот шеќер кој се создава со помош на габа кефир. Преполн е со пробиотици и за разлика од неколкуте јогуртни бактериски култури, кефирот има близу 50, а има и квасни култури. Содржи и 20% калциум и фосфор, 14% витамин Б12, и во помали проценти Б2, магнезиум, но и витамин Д. Посебно го поднесуваат оние кои се интолерантни на лактоза. Има значајани антибиотски својства и способност да се бори против инфекции.
КИСЕЛОТО МЛЕКО, покрај јогуртот и кефирот е една од најздравите млечни намирници. Лесно се комбинира со солени, но и слатки намирници. Ако детето не сака млечни производи, ставете неколку малини, јагоди или парче банана и јаболко, малку цимет и имате здрава ужина за детето.
