Однесувањето на детето често ги прави родителите нервозни и беспомошни. Иако се мали, децата сакаат доза независност, но од друга страна имаат голема потреба од љубов и внимание од родителите. Периодот од 3 до 5 години е најактивен и фрустрирачки во однос на родителството. И покрај тоа што се трудите да го дадете најдоброто од себе во однос на чување и воспитување, сигурно ќе се пронајдете барем во една од посочените грешки кои ги правиме свесно или несвесно.
Премногу активности
Родителите честопати ги вклучуваат децата во низа активности: танц, свирење и сл. По напорниот ден, се прашуваат зошто детето не може веднаш да заспие и покрај толку дневни активности. Тоа е затоа што сите тие активности, посебно преминувањето од една во друга активност за децата е исцрпувачка. Затоа, распределете го времето на вашето дете и не наметнувајте му премногу обврски додека е се уште мало.
Рутина
Не менувајте ги често ставовите околу една иста работа. Ако еднаш сте му дозволиле на детето да направи некоја постапка, а следниот пат му ја забранувате, децата на тоа ќе реагираат збунувачки. Бидете доследни на вашата одлука, без разлика дали станува збор за воспитување, спиење, хранење …
Игра
Многу родители ги запишуваат деца во развојни програми за да го збогатат своето знаење и подобро да се развијат. Но, всушност, во овој период најважен дел за развивање на децата се одвива преку слободна игра. Дозволете им на децата да си играат и да го прават тоа што нив најмногу ги исполнува и прави среќни.
Развој
Децата во својот развој минуваат низ многу периоди. Еден од овие периоди е кажувањето лаги. Сфатете го како нормален дел од развојот, и не реагирајте бурно доколку гледате дека детето ви зборува лаги. Тие се резултат на развојот на неговата фантазија.
