“Целосна темница и тишина се најголемите грешки при успивање на бебето. Бебето е научено на блага светлина и на звуци и затоа треба да се користи т.н. бел шум, звуци кои смируваат, како шушкање лисја или звуци на бранови“, советува Ива Брчиќ, експерт за детски развој. Таа потенцира дека е важно татковците да ги успиваат децата, а не да се селат во друга соба кога ќе се роди бебето.
Брчиќ објаснува зошто на децата им е важна рутината која им дава чувство на сигурност.
“Многу е важно да се придржувате на рутината и да се биде константен, а можете да го пригушите светлото, да пуштите релаксирачка музика, да ја смирите играта и задолжително да го изгасите телевизорот и сите екрани. Тука спаѓа и капењето и вечерата, како и задолжителното одење во спална соба каде може да поиграте, да прочитате приказна или нешто да раскажете. Така детето ќе научи кога е време да се смири и да спие“, потенцира Брчиќ.
Според неа децата многу доцна си легнуваат, што не е добро за нивниот раст и развој, оти хормонот за раст се лачи најмногу помешу 21 и 01 часот. Таа потенцира дека малите екрани се главните причини зошто децата се подолго остануваат будни. “Екраните на децата им станаа главна забава и тешко ни е да ги одвикнеме од нив. Гледањето во екрани испраќа сино светло, близу ни е до окото и поради тоа не доаѓа до опуштање на мелатонин, хормон за спиење. Детето е разиграно и полно со енергија, оти нема чувство дека е време за спиење. Тоа подоцна создава и проблеми како ноќни мори и стравови“, вели таа.
