Секојдневното поминување време на свеж воздух има многу позитивни ефекти врз целокупното здравје и имунитет, па затоа мајките обично се трудат да ги прошетаат своите деца, барем на кратко, дури и во зима.
Експертот за родителство Кирсти Керол наведува пет важни совети кои помогнат на бебињата да им биде пријатно и да бидат безбедни додека ги туркате во количка во зима.
- Не покривајте ја количката со ќебе
Кирсти на почетокот предупредува на една опасна грешка што ја прават многу родители – покривање на количката со ќебе за да на бебето му биде потопло. Меѓутоа, ова може да биде многу опасно и да го намали протокот на воздух или да го зголеми ризикот од прегревање.
2. Како да облечете бебе во зима
„Облечете го вашето бебе во слоеви, бидејќи тоа ќе ја ‘зароби’ топлината и ќе направи да на бебето му биде потопло. Добро правило е да го облечете вашето бебе во еден слој повеќе отколку што вие носите. Удобен основен слој облека, потоа уште еден слој ипоследен кој е отпорен на дожд и ветар ќе бидат доволни за да го заштитите вашето дете од студот. Бебињата најмногу топлина губат преку главата, затоа не заборавајте на капа“, советува Керол.
Ако го покривате вашето дете во количка, таа советува ќебето никогаш да не оди повисоко од висината на градите, за лицето да остане откриено. Добра алтернатива на ќебето се зимските навлаки за колички, кои ќе направат да на бебињата им биде поудобно.
3. Заштитете го од временските услови
Добар сојузник за зимските прошетки е и кабаницата за количка, бидејќи ќе го заштити бебето од можни врнежи и силен ветер. Многу е важно детето да биде суво и да му биде топло надвор во зима, бидејќи влажната или мокра облека нема брзо да се исуши.
4. Рефлектирачка опрема за подобра видливост
Ако во зима шетате попладне кога веќе е темно, советот на Кирстен е да се придржувате до главните патишта и да избегнувате движење по слабо осветлени или неосветлени улици. „Можете да додадете и рефлектирачка лента на количката за да ја зголемите видливоста во темница“, советува експертот.
5. Добрите сопирачки се важни
Многу е важно да можете да ја сопирате количката кога е потребно, а нејзиниот совет е да избирате модели кои имаат сопирачки на двете тркала.
6. Внимавајте тркалата да бидат чисти
Кога надвор е влажно, тркалата лесно стануваат валкани и калливи, што го отежнува туркањето на количката. Влажната кал лесно може да се измие со вода, додека исушената кал најдобро се отстранува со топла вода и четка со течност за миење садови.
Дополнително, советот на експертот е редовно да ги чистите тркалата на количката за да спречите корозија од солта на патот, а може да помогне и да ги испрскате со спреј на база на силикон.
