И покрај сите ваши напори да остане здраво, вашето дете закачило некоја „бубачка“. Дали знаевте дека децата, во просек, добиваат меѓу осум до 10 настинки годишно? Генерално до перидот во градинка кога почнуваат да го зајакнуваат својот имунитет.
Иако нема лекови, постојат некои работи што можете да ги направите за да ги одржите малечките удобно и добро нахранети додека се борат со вирусот. Децата треба многу да одмораат и да внесуваат доволно течности. Но кои се вашите најдобри избори за хранење на деца кои се лесно болни со мало кивање, кашлица и течење на носот?
Разредените овошни сокови, вода и супа се одлични начини за надополнување на течностите. Ако вашето дете има треска, повраќа или има дијареја, следете ги препораките на вашиот педијатар за замена на течности. Постарите деца може да имаат корист и од билните чаеви со мед и лимон.
Дајте им малку овошје. Можеби нема цврсти докази кои сугерираат дека витаминот Ц ќе излечи настинка, но неговите антиоксидантни својства не можат никого да повредат. Добри извори на витамин Ц се лимони, лимети, портокали, грејпфрут и бобинки.
Понудете му на вашето дете разновидно меко овошје – тие не само што се полни со витамини и минерали за поддршка на добро здравје и имунитет, исто така содржат и многу вода за надополнување на потребите на вашето дете за течности. Замрзнати исечени плодови овошје се удобни и лесни за одмрзнување и нема да се расипат брзо како свежото овошје. Еве неколку начини за сервирање:
- Малку одмрзнато овошје, како што се боровинки или јагоди, нудат чувство на ладење на грлото. Друга опција е да направите или да купите замрзнати овошни раженчиња.
- Изблендирајте ги замрзнатите овошни парчиња во смути користејќи млеко со мала масленост или збогатен пијалок од соја.
Воодушевете ги со нивната омилена храна, но не претерувајте. Болно дете може да има слаб апетит затоа послужете мини оброци врз основа на нивните омилени видови храна. Зачестени помали оброци полесно се варат и ќе помогнат да се задоволат нивните потреби за енергија. Избегнувајте тешка, пржена, мрсна храна и одберете едноставни скробови како ориз и тестенини, бидејќи се лесни за стомакот.
Обидете се со пилешка супа. Обидете се да направите своја супа од синоќешното останато печено пилешко или купете коцка со ниска содржина на натриум. Супата е топол, смирувачки и општоприфатен лек. Исто така, ќе помогне да се обезбедат потребите на вашето дете за течности. За пополна супа, додадете малку ориз или тестенини и варен, сечкан зеленчук. Може да се користат неколку лажички овесно брашно за да се згусне супата додека се загрева.
(Извор: Академија за исхрана и диететика)
