Кога луѓето размислуваат за хормоните, обично мислат на машките и женските хормони тестостерон и естроген. Сепак, децата, исто како и возрасните, произведуваат многу други видови на хормони кои влијаат на речиси секој аспект од нивното физичко и ментално здравје.
Како што објаснуваат педијатрите, главната задача на хормоните е да им сигнализираат на клетките и делови од телото да прават одредени работи. Овие хормони патуваат до други клетки и помагаат да се контролираат или координираат многу телесни процеси како што се регулирање на расположението, растот, развојот, функцијата на ткивата, метаболизмот, како и репродуктивните процеси.
Но, како да препознаете хормонални проблеми кај детето?
Во случај кога хормоните не работат како што треба, односно не се ослободуваат правилно или се произведуваат во прекумерни количини, може да се појават одредени симптоми како што се:
- прекумерна телесна тежина
- застој во растот
- мускулна слабост
- лесно формирање на модринки на кожата
- акни
- висок крвен притисок
- нагли промени во расположението
- склоност кон депресија.
