На родителите им е добро познато колку е тешко да се натераат децата да си легнат да спијат, Тоа не е лесна работа, но е многу важно да ги навикнете децата да одат на спиење на време, за да бидат полни со елан, здрави и смирени.
- Спиењето нека биде приоритет
Секогаш детето легнувајте го во кревет во исто време и секогаш будете го во исто време, па дури и преку викенд. Наутро будете го полека и не му дозволувајте му да спие или дреме во текот на денот, секако ова важи за поголемите деца.
- Соочете се со проблемите околу спиењето
Некои од проблемите со спиењето се проблеми на успивање на детето, рчење, будење во текот на ноќта, одолговлекување и одбивање да се легне во кревет, отежанто дишење за време на спиењето. Овие проблеми се одразуваат на однесувањето на детето во текот на денот. АКо вашето дете е уморно, поспано и раздразливо, не е лошо да го псоетите својот матичен педијатар.
- Рутина
Децата сакаат рутина. Пожелно е на детето пред спиење да му прочитате приказна, така што детето креветот ќе го поврзе со позитивни чувства и ќе му даде симболика на сигурност.
- Собни услови
Собната температура мора да биде адекватна, ниту претопла ниту престидена. Пожелно е да нема светлина, и голема бучава. Некои деца сакаат да имаат играчка кога заспиваат, оти тоа за нив симболизира сигурност.
Ако детето станува откако сте го сметиле во кревет, не реагирајте, само нежно фатете го за рака и вратете го назад во кревет. Ако почнете да го прекорувате што станало, вие само го одложувате времето за легнување, а тоа е она што детето го сака.
И не попуштајте, оти рутината е многу важна.
