Една од забелешките што воспитувачите во градинка им ја упатуваат на родителите е начинот на кои децата доаѓаат облечени во градинка. Иако родителите добро знаат дека градинката е простор за слободна игра и учење на разни вештини, дека дел од времето децата го поминуваат и надвор, играјќи се на земја и трева, некои деца во градинка доаѓаат облечени како да одат на прослава, во кошули, фустани со тул или во облека која “не смее да се извалка“.
- Облеката треба да му служи на детето, а не обратно
Облеката во која детето доаѓа во градинка треба да биде практична и лесна за перење облека од природни материјали кои му овозможуваат на детето слободно да се движи.
“Од искуство можам да кажам дека на децата во јасли и градинка им е потребна едноставна облека и повеќе резервни парчиња таква облека во ранецот, поради честите пресоблекувања, бидејќи децата се учат на самостојност во сите области и преку игра извршуваат различни активности, па лесно се валкаат“, вели воспитувачката Мартина Протулипац.
Децата е подобро да се облекуваат слоевито за да во текот на денот можат да се прилагодат на температурните разлики и активности.
Воспитувачката објаснува дека е важно облеката да биде едноставна за децата да можат самостојно да ја облекуваат и соблекуваат, без помош на негователките бидејќи во групите има многу деца.
- Детето ќе се извалка и тоа не смее да му се забранува
Некои родители очекуваат децата од градинка да излезат без дамки ифлеки на облеката, но градинката е место за истражување, игра и учење самостојност низ различни креативни и често неуредни активности.
Мартина вели дека постарите деца се поактивни од помладите и поради ограничувањата што им ги создава облеката или упатствата од родителите дека не смеат да се извалкаат, често не влегуваат во одредени активности бидејќи мораат да внимаваат.
