Дали сте знаеле дека веќе од 2,5 години децата се комплетно способни да се облечат?
Не секогаш! Научете ги децата на едноставен начин да се грижат за себе и за своите работи. Секако нема да очекувате од детето само да си направи ручек, но тоа не значи дека не може да си земе чаша вода кога е жедно. Ви се чини невозмоможна мисија? Не е. Она што ви е најпотребно е инфраструктра што ќе ве следи и која на децата ќе им ги олесни сите тие задачи што мора да ги извршат.
ШТО СЕ ДЕТЕТО МОЖЕ САМО ДА ПРАВИ? Прочитајте:
- Облекување
Експертите велат дека децата од 2,5 до 3 години се целосно способни сами да се облекуваат. За тоа успешно да го направат, децата мора да имаат овозможен пристап до нивната облека. Овозможете им така што ќе ја чуваат облеката на достапни места, односно во плакари и фиоки кои лесно се отвораат и се доволно ниски за да може дете само да се послужи. Исто така, имајте на ум дека големиот избор на облека кај децата само ќе предизвика збунетост, затоа не се замарајте со количината – колку помалку толку подобро, детето полесно ќе избере и ќе се облече.
- Чистење
Мали деца – голем хаос! Се истураат, плукаат,ронат и оставаат отпечатоци од прсти на сите можни стаклени површини. Ниту една од овие работи не е драма сама по себе, но ако секогаш завршува со чистење на мама или тато – тогаш може да стане напорно. За да избегнете конфликт, секогаш имајте при рака соодветен прибор за чистење до кој можете да го упатите вашето дете кога ќе “предизвика“ неред. Неколку крпи за чистење на истурената вода или сок, четка, па дури и мини рачна правосмукалка – чувајте ги на место достапно за децата и поттикнете ги да ги користат.
- Хранење
Децата од предучилишна возраст се целосно способни да направат нешто за грицкање или да направат сендвич, на вас е да им дозволите да ја искористат таа вештина. Исто така, тука се зависи од вистинскиот прибор што се наоѓа на вистинското место. Набавете ножеви со кои вашето дете може да се справи без да се повреди, како што е нож за мачкање, а лебот може претходно да биде исечен. Чиниите нека бидат ниско на полицата, а времето што ќе го вложите во учењето на вашето дете како да направи сендвич сигурно ќе ви се исплати. Можеби ќе треба да го повторите процесот неколку пати, но еден ден детето ќе може да направи сендвичи и за помалите браќа и сестри, а и нив да ги научи.
- Грижа за себе
Треба да се измијат рацете, да се облечат чевлите, да се заврзат, да се закопчаат – со мали деца секогаш има работа. Кога детето ќе развие доволно фини моторни вештини за да може сето тоа самостојно да го прави, почнете да го учите: од закопчување копче па натаму. Иако учењето на овие нови вештини секако ги олеснува работите за родителот, тие всушност најмногу му користат на детето. Имено, кај детето одеднаш ќе се зголеми чувството на самодоверба дека може само да ги прави сите овие работи, бидејќи секое дете сака да усвои нова вештина и да надмине нова препрека. Со тоа што ќе ги научите децата на овие вештини кои што ќе ги совладаат порано или подоцна, можете да го поттикнете детето да биде што посамостојно и во градинка, училиште, но и дома.
