Топлинскиот или топлотен осип го предизвикува зголеменото потење кај детето, а најчесто се јавува токму во летните месеци кога надворешните температури се највисоки. Како што објаснуваат педијатрите, овој тип на осип се јавува кога ќе дојде до одреден тип на блокирање на потните жлезди кај детето, што предизвикува формирање на мали црвени испакнатини. Иако топлинскиот осип е безопасен, многу родители се загрижени бидејќи не знаат дека станува збор токму за оваа коожна промена.
Топлотниот осип се појавува во форма на ситни точки или убоди со розова боја, а најчесто е видлив на вратот, горниот дел од градите и грбот. Само во ретки случаи бара медицинска интервенција. Иако децата се потат во текот на целата година, следните појави го зголемуваат ризикот од осип:
- Топло или влажно време
- Физички напор
- Употребата на одредени производи кои ги блокираат потните жлезди.
Според лекарите од Кливленд клиниката, родителите треба да побараат лекарска помош доколку осипот потрае, односно ако не помине сам по себе за неколку дена, ако се влоши или ако се видливи одредени знаци на инфекција. Симптомите кои укажуваат на можноста за инфекција вклучуваат покачена температура, болки или отоци на местото на осипот и отечени лимфни јазли под пазувите, на вратот или препоните.
