Љубовта и здравиот однос со детето се една од најголемите животни радости. Ова не само што прави да се чувствувате добро како родител, туку и влевате чувство на сигурност кај детето. Имено, емотивната поврзаност помеѓу вас и детето осигурува дека тоа се чувствува безбедно, поддржано и разбрано. Како да ја постигнете? Психологот Марк Траверс за порталот Psychology Today, открива 3 ефекасни начини.
1. Играјте со децата
Истражувањата покажуваат дека децата низ игра развиваат внимание, социјални вештини, креативност, способност за обработка на емоции и интелектуални способности. Освен тоа, заедничката игра им дава можност на децата да ве видат како сојузник, а не како противник кој постојано им наредува да направат нешто.
2. Покажете интерес за тоа како им поминал денот
Истражување покажало дека децата кои редовно јадат со своите родители и семејства имаат подобро здравје и имаат поквалитетни прехранбени навики, посилни ментални, емоционални и социјални способности, подобро се однесуваат и имаат повисок академски успех. Ако тоа никако не ви оди од рака, дружете се пред спиење. Тоа е исто така можност да разговарате со децата за нивниот ден.
3. Може да имате високи, но сепак реални очекувања
Истражување покажало дека високите академски очекувања за децата може да доведат до подобри резултати на училиште и може да им помогнат на децата да истраат подолго со тешките задачи. Високите очекувања се поврзани и со социјалната отпорност. Меѓутоа, важно е да се разликуваат високите стандарди од перфекционизмот.
