Секоја мајка знае колку пријателите се важен дел од животот на секое дете. Но, со оглед дека детето мора се да учи од почеток, така мора и да ја совлада вештината на стекнување пријатели. Зошто пријателството е толку важно?
Пријателите им помагаат на децата да ги прошират нивните хоризонти и да изградат темелни односи за сето пна што подоцна доаѓа во животот. Еве на што можете да ги научите и како да му помогнете на детето да пронајде пријатели.
- Искористете ги вашите пријатели
Не онака како што звучи, туку на децата во односот со нив им ја покажете важноста и придобивките од пријателството. Ова може да биде првиот чекор за да ги заинтересирате за целиот процес. На крајот, бидете сигурни, детето кое е заинтересирано да најде пријатели, ќе биде тоа што ќе преземе иницијатива и ќе им пристапи на другите деца за да ги запознае. Затоа, дружете се со вашите пријатели, поканете ги во домот, забавувајте се и дајте му на детето реален поглед на она што го носи пријателството.
- Сами стекнете нови пријатели
Треба уште еднаш да се повтори – децата не имитираат,се угледуваат на нас и тоа е докажан факт. Ако не сте подготвени да пуштите нови луѓе во вашиот живот, поголеми се шансите и вашето дете да биде затворено. Затоа, бидете пристапни и отворени, пристапете кон нови луѓе и воспоставете комуникација, покажете му на детето како да воспостави сосема нов однос. Не мора да продолжите да се дружите со некој што на почетокот ви се допаднал, а можеби тоа ќе биде почеток на вистинско пријателство… во основа, идеален начин вашето дете да учи од самиот почеток.
- Зборувајте за пронаоѓање пријатели
Иако вашето дете можеби се уште нема супер развиен речник, сепак разбира повеќе отколку што може да се изрази. Не ја пропуштајте можноста да зборувате за важноста и убавината на пријателствата, читајте му книги, гледајте филмови на оваа тема. Подучете ги децата и однапред дајте им доволно самодоверба кога ќе го тргнат низ животот и ќе почнат да градат свои односи.
- Пофалете успех
На децата им е тешко да препознаат дали се на вистинскиот пат и дали прават се како што треба, па затоа вие сте тука да ги охрабрите и да ги насочите. Затоа, кога ќе направат нешто позитивно во пријателска смисла, пофалете ги, како што ги фалите кога рецитираат песна или нешто слично.
