Со отворено искажување емоции, им даваме дозвола и на децата сами да ги изразат своите емоции. За да може детето да научи како да се смири кога е луто, тажно или разочарано, исто така мора да има можност да ги искуси истите тие емоции во безбедно опкружување. Како родители, ценат стручњаците, во делот на соочувањето со тешките емоции, можеме на децата да им предложиме вештини на саморегулација.
На емоциите можеме да им пристапиме на различни начини, но преку праксата се покажало дека некои од најефикасните начини за соочување со преголемите емоции се:
1. Смирувачки активности – вежби за дишење или фокусирана свесност, топол туш, меко ќебе, прегратка, галење домашно милениче, прошетка, читање…
2. Изразување емоции – разговор со блиска личност, водење дневник, сликање, работа со пластелин/глина, пишување…
3. Активности кои ја отпуштаат енергијата – трчање или скокање во место, силно фрлање или удирање на топка (во безбедни услови), кинење хартија, викање во перница, стискање топче, пукање меурчиња на фолијата за завиткување…
4. Дистракција – наоѓање на сите предмети со одредена боја или одредена форма во просторијата, броење до 10, броење наназад од 100, силни дразби (гласна музика, допирање на коцка мраз), свеж воздух, ладна вода…
