Лекарите имаат проблем при дијагностицирање на Ковид-19 бидејќи многу од симптомите се совпаѓаат со симптомите на други болести. Покрај сува кашлица, покачена температура и главоболка, сега тука се и гастроинтестиналните проблеми како гадење, повраќање и дијареја.
Симптомите на Ковид-19 се: кашлица, грозница или покачена температура, краток здив и отежнато дишење, болки во телото, замор, губење на вкус и мирис, главоболка, течење на носот или затнат нос, болки во грлото, повраќање, гадење и дијареја
Кои се симптомите на цревна вироза, а кои на Ковид-19?
Цревната вироза или гастроентеритис се јавува кога слузницата на цревата ќе се воспали. Ова може да биде резултат на вирус, паразити или бактерии, според „MedlinePlus“. Симптоми на оваа болест се: дијареја, повраќање, болки во стомакот, треска, главоболка и грозница.
За среќа, луѓето брзо се опоравуваат без посебен медицински третман. Важно е да внимавате да не дехидрирате бидејќи тоа е чест симптом на гастроентеритис.
Симптомите на Ковид-19 се: кашлица, грозница или покачена температура, краток здив и отежнато дишење, болки во телото, замор, губење на вкус и мирис, главоболка, течење на носот или затнат нос, болки во грлото, повраќање, гадење и дијареја.
Како да ги разликувате?
Тешко, велат лекарите. Треба да обрнете внимание на горниот респираторен тракт и симптомите кои го засегаат. Исто така, Ковид-19 се карактеризира и со болки во градите, па ако го почувствувате ова заедно со дигестивните проблеми, можно е да се работи за Ковид, а не за вироза, пишува „Health“.
