Кога бебето штотуку ќе дојде на свет, многу е тешко да се постигне било каква рутина со него. Сепак, постојат некои работи на кои полека бебе со само седум дена може да се навикне, особено кога се во прашање хранењето и спиењето.
Повеќето бебиња се дојат во првите денови по раѓањето и тоа вообичаено се 8-12 подои во текот на 24 часа. Должината на хранењето може да варира. Не очекувајте дека со детето ќе создадете рутина од самиот почеток. Не одредувајте саатница, туку следете ги потребите на бебето.
ТРИ СОВЕТИ ЗА РУТИНАТА НА ХРАНЕЊЕ
- Проверете дали бебето цица како што треба. Важно е да обрнете внимание дали добро ја фаќа брадавицата додека јаде.
- Ако бебето се успие додека цица, ќе морате да го разбудите, не го оставајте поспано, бидејќи хранењето нема да биде ефикасно.
- Избегнувајте да му давате на бебето цуцла од самиот почеток, оти може да го попречи цицањето.
Кога е во прашање спиењето мора да имате на ум дека на бебето му е потребно многу сон на самиот почеток од животот. Тоа така собира енергија што му е потребна за раст и развој.
ТРИ СОВЕТИ ЗА СПИЕЊЕТО
- Наместете го бебето да спие на грб, а не на стомак, за да спречите опасни ситуации.
- Оставете го бебето некое време да помине само. Секако дека му е потребна вашата блискост, но му се потребни и моменти без вас.
- Почнете со воспоставување на навики пред спиење, како галење, масирање, а бебето со тек на време ќе научи дека треба да ги следи тие знаци.
