После 13 дена поминати на кислород и болничко лекување, докторката која ја победи вариола вера во 1972 година во Југославија, искусниот српски вирусолог проф. д-р Ана Глигиќ (87) успеа да го победи коронавирусот. За „Нова.рс“, таа открива како течела големата борба против Ковид-19.
Професорката тврди дека се грижела за сè. Сепак, на третиот ден по ревакцинацијата, како што вели, многу и се слошило. И било тешко да поверува во тоа дека е заразена по ревакцинацијата против Ковид-19. Сепак, симптомите и резултатите од тестовите биле повеќе од јасни
„Не можев со лажицата да ја погодам устата, да јадам нешто, мораа да ме хранат. Пред три дена излегов од болница. Одам полека низ куќата, тука се децата да ми помогнат. Нозете ми се се уште малку нестабилни, но одам. Шетам околу масата, а тоа беше незамисливо пред осум дена. Беше тешко, но одиме понатаму“, вели низ победничка смеа проф. д-р Ана Глигиќ.
За лекарите и вработените кои се грижеле за неа во текот на двете недели од борбата има само пофалби.
„Немам зборови, тоа се лекари вредни како пчели. Верувајте ми, ми доаѓа да заплачам кога ќе се сетам. Сите ги гледаат на ист начин, се грижеа за сите. Професионален однос кон пациентот. Секоја чест на луѓето кои работат таму, тоа е подвиг“, вели професорката за грижата и третманот што и го пружиле нејзините млади колеги во КБЦ „Д-р Драгиша Мишовиќ“ во Белград.
Професорката тврди дека се грижела за сè. Сепак, на третиот ден по ревакцинацијата, како што вели, многу и се слошило. И било тешко да поверува во тоа дека е заразена по ревакцинацијата против Ковид-19. Сепак, симптомите и резултатите од тестовите биле повеќе од јасни.
„Класична инфекција. Фала му на Бога, готово е“, објаснува таа и додава дека е родена како Лавица во хороскоп. Со оваа борба и сила, таа навистина докажа дека е вистинска Лавица. (Нова.рс)
