Високите температури можат брзо да доведат до дехидрација кај децата и бебињата, што може да има фатални последици. Докторката Кетрин Хајат од „МедЕкспрес“ ги предупреди родителите да реагираат брзо доколку забележат знаци на дехидрација кај нивните малечки и ги сподели најчестите симптоми на кои треба да внимаваат.
„Симптомите како што се зголемена жед, сува уста и усни може да бидат знаци на дехидрација“, изјави таа за „Мирор“.
Ако детето покажува знаци на конфузија, вртоглавица или несвестица, потребна е итна медицинска помош бидејќи тоа укажува на тешка дехидрација
„Исто така, обрнете внимание на намаленото мокрење, при што темножолтата урина е значаен знак“, додаде таа.
Д-р Хајат исто така предупредува дека може да се појават промени во однесувањето, вклучително и раздразливост и летаргија, кои треба веднаш да се проценат.
„Кожата на бебето може да ја изгуби еластичноста, а бебето може да произведува малку или воопшто да не пушта солзи кога плаче.“
Ако детето покажува знаци на конфузија, вртоглавица или несвестица, потребна е итна медицинска помош бидејќи тоа укажува на тешка дехидрација.
Според NHS, треба да побарате итен преглед на лекар ако забележите некој од следниве симптоми:
- Вашето дете изгледа поспано;
- Збунето е и дезориентирано;
- Чувствува вртоглавица кога ќе стане и тоа не поминува;
- Вашето дете има помалку влажни пелени;
- Детето има темножолта урина и уринира помалку од вообичаено;
- Дише брзо и има забрзан пулс;
- Вашето дете има малку или воопшто нема солзи кога плаче.
