Кинеската докторка која наводно го открила коронавирусот во Вухан, се потсетува на нејзината прва средба со мистериозната болест која се појавила кај постара двојка.
Д-р Џанг Џијан, лекар за респираторна и интензивна нега во Hubei Provincial Hospital во Вухан, е поздравена во Кина како првиот човек што го пријавил вирусот на властите во декември 2019 год.
-
Нејзиниот детален извештај за најраните денови на избувнувањето на епидемијата, објавен од кинеската државна новинска агенција „Xinhua“, доаѓа во момент кога земјата се соочува со обвиненија за прикривање и беше принудена да го ревидира бројот на мртви во Вухан за 50 проценти.
Зборувајќи низ светло сина хируршка маска за лице, д-р Џанг изјави за „Xinhua“ дека првите двајца пациенти со коронавирус биле повозрасни сопружници.
„На 26 декември, првиот пациент што го видовме беше една постара дама која имаше треска, кашлица и проблеми со дишењето“, рече таа.
„Нејзиниот сопруг и син дојдоа заедно со неа. Нејзиниот сопруг дошол на лекар поради замор. Тој немаше треска … Се прашувавме дали и синот е болен. Откако го направивме тестот, секако, и синот имаше проблем со белите дробови “.
Д-р Џанг рече дека симптомите на семејството „изгледале како грип или вообичаена пневмонија“, но нивните СТ-скенирања покажале сигнификантно оштетување на белите дробови.
„Имавме пациенти со GGO (ground glass opacities) во нивните бели дробови предизвикани од вирусна инфекција. Но, кај синот беше многу повеќе и поголемо од тоа што сме го виделе порано“, рече таа.
Кога друг пациент се појавил со истите симптоми на 27 декември, д-р Џанг рече дека поднела извештај до болницата во кој предупредува дека најверојатно „открила вирусна болест, веројатно заразна“.
Симптомите на семејството „изгледале како грип или вообичаена пневмонија“, но нивните СТ-скенирања покажале сигнификантно оштетување на белите дробови
Според извештајот на агенцијата „Xinhua“, д-р Џанг работела и за време на епидемијата на САРС во 2003 година и била „претпазлива на знаци на епидемија“.
Таа тврди дека почнале да пристигнуваат и други пациенти со слични случаи што довело до експертска дискусија со 10 лица по што тие го пријавиле случајот.
„Рековме дека се сомневаме на нешто погрешно, но не знаевме што е тоа“, рече таа.
Истрагата за мистериозната болест била започната следниот ден, а на 30 декември сите медицински установи во Вухан биле предупредени за „избувнување на пневмонија од непозната причина во градот“, објави „Xinhua“.
На 31 декември, експертскиот тим од Националната здравствена комисија на Кина (NHC) бил испратен во Вухан и на сите жители им било кажано да носат маски за лице и да избегнуваат гужви, се вели во извештајот. Дотогаш, 27 случаи на вирус биле потврдени низ градот.
Извештајот доаѓа откако Кина се најде под голем притисок да го објасни изворот на вирусот пред американските и други светски лидери. (news.com.au)
