Веројатно сте слушнале дека децата во Јапонија се многу добри и воспитани. Начините на воспитување и учење на детето на вистински вредности и убаво однесување е работа за восхит кога се во прашање тамошните родители. Покрај се, децата во оваа земја, не се пребирливи ниту кога станува збор за храната. Но, како родителите од Јапонија ги учат децата да се хранат здраво? Овие се нивните совети.
Оставете го да ужива во јадењето
Ако секој ден го принудувате детето да јаде нешто што не му се допаѓа, тоа генерално ќе почне да има одбивност кон храната. Оставете го да јаде и слатки понекогаш, немојте да бидете премногу строги. Тоа ќе предизвика контраефект.
Нека експериментира и почувствува нови вкусови
Не му послужувајте на детето постојано исти јадења, бидејќи ќе му здодеат. Децата треба да пробуваат нови јадења и поинакви вкусови. Родителите во Јапонија велат дека колку повеќе здава храна проба детето, толку повеќе во текот на растењето ќе ја сака.
Семејните оброци се важни
Јапонците сметаат дека заедничкиот оброк на маса е многу важен, а на тој начин се поттикнува и здрава исхрана. Дозволете му на детето да учествува во подготовка на јадењето, бидејќи на тој начин ќе јави поголем интерес за она што го јаде. Покрај тоа, кога детето ќе ве види вас како уживате во здравата храна и тоа ќе сака да го направи истото. Родителите секогаш се пример за децата.
Користете мали чинии
Поголема чинија може да го исплаши детето, колку чудно и да звучи тоа. Исто така и сервирањето на оброкот во чинијата. Јапонците сметаат дека помалите чинии му овозможуваат на детето да јаде колку сака и само да ја одреди неговата порција.
Децата треба да трчаат и да се движат
Прошетките и возењето велосопед се омилени активности во Јапонија. Движењето и физичката активност имаат бројни предности за имунитетот и здравјето, а покрај тоа, поттикнуваат и здрав апетит.
