Кај повеќето бебиња, млечните заби почнуваат да растат околу шестиот месец по раѓањето, иако кај некои може да никнат и многу порано, но и многу подоцна, оти се зависи од индивидуалниот развој на секое дете. Овој период знае да биде многу непријатен и за бебето и за родителите, оти детето постојано плаче.
Помогнете му на детето оваа фаза на развој да му мине што побезболно.
Во периодот на избивање на забите, на детето давајте му доволно храна со висок процент на калциум и витамин Д, како неговите заби би биле здрави и силни. Од првиот ден водете сметка за хигиената. Користете меки, заоблени четки за бебиња и вода за миење на неговите заби. Кога им растат заби, децата интензивно се лигават.
- Дајте му да грицка ладно јаболко или морков
- Дозволете му да ја гриза четкичката додека му ги миете забите
- Имајте на ум дека на некои бебиња цицањето им ја влошува болката. Ако бебето не сака шишенце, дојка или цуцла не го силете. Кога болката ќе престане, бебето повторно ќе цица.
- Натопете чиста крпа со чај од камилица и замрзнете ја. Можете да му ја дадете на бебето да ја гриза и така да ги лади непцата.
- Тргнете ги сите дребулии кои може детето да ги голтне, оти ќе става во уста се што е околу него за да си ги почеша непцата.
- Ако ништо од ова не помага, во консултација со матичниот педијатар дајте му на бебето сируп за ублажување на болката.
