Рекламите кои целат на децата веќе подолго време се поврзуват со зголемениот ризик од внесување на неквалитетна храна и со нивните барања родителите да им купуваат зашеќерена, преработена ии калорична храна.
Новото истражување, според научниците, опфатило родители на 624 деца од предучилишна возраст кои секој осум недели во текот на една година, одговарале на прашања кои телевизиски програми децата ги гледаат и колку често јадат преработени житарки за појадок кои биле рекламирани за време на тие програми.
Истражувањето опфатило 10 различни видови на житарки.
Децата кои биле изложени на реклами за одредени видови на засладени житарки во претходната недела, како и во било кои момент за време на истражувањето, имале значајно поголеми шанси да ги јадат тие рекламирани житарки, во однос на децата кои не биле изложени на рекламирањето на тие производи, наведуваат научниците во списанието American Journal of Preventive Medicine.
Родителите можеби не се свесни кои рекламите може да влијаат на детските барања за одреден вид на храна, вели водачот на истражувањето д-р Џенифер Емонд од Медицинскиот факултет во Хановер.
“Тие мали деца не купуваат житарки сами“, вели таа. “Веројатно е дека децата тие ќе ги видат на телевизиските реклами и потоа бараат од родители да им ги купат токму тие’, додава Емонд и порачува родителите да ја ограничат изложеноста на децата на вакви реклами.
Децата опфатени во истражувањето биле на возраст од три до пет години.
Житарките вклучени во истражувањето биле оние со најголем процент на шеќери на пазарот и кои ја надминуваат дневно препорачаната количина за шеќер кај децата, односно повеќе од 28гр по оброк. Децата кои биле изложени на рекламите во претходната недела имале 34% поголеми шанси да ја изберат рекламираната житарка, во однос на децата кои не ја гледале таа реклама, утврдило истражувањето.
