Многу родители, првата средба со своето дете ја опишуваат како љубов на прв поглед. И научниците денес потврдуваат дека промената која се случува во мозокот кога ќе добиеме дете е многу слична на онаа како кога ќе се заљубиме. Тоа обично е поизразено кај младите мајки, на кои мозокот почнува да им се менува уште во текот на бременоста.
ЉУБОВТА И ГРИЖАТА ПОЧНУВААТ ПРОМЕНИ ВО МОЗОКОТ
Докажано е дека промените се случуваат во различни делови од мозокот, сивата маса се згуснува, а мозочната активност се зголемува во подрачјата задолжени за сочувство, вознемиреност и социјална интеракција. Токму благодарение на овие промени, како и напливот на хормони за време на бременоста и по породувањето, мајките се се воодушевени од своите бебиња, а покрај бескрајната мајчинска љубов, се јавуваат и силни заштитнички пориви и постојана загриженост.
Истражувачот за функционирањето на мозокот, проф. д-р Пилјанг Ким вели дека за време на првите месеци по породувањето кај многу мајки се јавуваат симптоми на опсесивно-компулсивно пореметување, како презачестено миење на рацете или постојана проверка дали бебето диши.
“Мајките во тој период многу размислуваат за работи на кои всушност не можат да влијаат. Постојано размислуваат за бебето. Дали бебето е здраво? Болно? Најадено? Во мозокот на жената се случуваат промени кои пттикнуваат силна желба да се погрижат за своето дете“, вели проф. Ким.
ЧУДЕСНА АМИГДАЛА
За мајчинските чувства и однесување одговорни се неколку меѓусебно поврзани регии во мозокот. Посебно место меѓу нив има амигдалата, група неврони во форма на бадем, поврзани со емоциоанлните реакции како страв, вознемиреност и агресија. Во нормален мозок, активноста во амигдалата се зголемува во неделите и месеците по раѓањето на детето.
Истражувачите сметаат дека тој раст на амигдалата, поддржан од хормините, поврзан со однесувањето на младите мајки ги прави исклучително чувствителни на потребите на нивните бебиња. Истражувањата покажале дека активноста во амигдалата е поврзана со силни чувства на мајката кон сопственото дете, во споредба со останатите бебиња.
Сето ова е поврзано и со хормоните кои је преплавуваат амигдалата, која сега има и повеќе хормонски рецептори за хормоните како окситоцин, кој почнува засилено да се лачи во текот на бременоста и по породувањето, како и во текот на доењето.
