ХРАНЕЊЕ – Држете го детето по хранење за да ждригне, Кај мајките кои не дојат, таткото има совршена можност да го храни бебето со шишенце и да има контакт со очи кој поттикнува близина.
ПРЕСОБЛЕКУВАЊЕ – Иако во текот на денот веројатно сте на работа, тоа не треба да ве спречи бебето да го пресоблечете навечер или во текот на ноќта. Сфатете го тоа како прилика за време со детето. Пејте му, зборувајте му, правете гримаси, играјте си. Бебињата тоа го обожаваат и ќе го запомнат вашиот стил на пресоблекување и ќе ви покажат како се радуваат поради вашата близина.
КАПЕЊЕ И МАСАЖА – Децата сакаат да се ослободат од облеката и пелените и да уживаат кога се голи и слободни. Сакаат да си играат во вода, и особено уживаат во масажата. Во целата процедура на хигиена на бебето и нега, таткото може суверено да се вклучи и одлично да си ја извршува работата. Низ допир и грижа ќе развиете чувство на љубов.
УСПИВАЊЕ – Ако ги прашате татковците кои искуство со бебињата им е најубаво, многумина ќе одговорат исто. Нема поубаво од моментот кога бебето ќе им заспие на рамото, на градите по можност на гола кожа. Бебето може да го успивате и во положба на доење, за да создадете контакт со очите. Може и да пеете. Детето ќе се слуша, гледа, ќе ве запознае и така ќе ги впива вашите гестови на љубов и ќе учи да ве сака.
