Поради моменталната епидемиолошка ситуација во земјава, кај многумина постои дилема дали треба да се капеме во јавни базени или плажи за време на време на траењето на епидемијата со коронавирусот.
КОРОНАВИРУСОТ НЕ СЕ ШИРИ ВО ВОДА
Во моментов нема докази дека новиот коронавирус може да инфицира луѓе преку вода. Ова важи и за базените, хидромасажните кади, но и природните места за капење, како море или езеро.
Меѓутоа, она кое е директна опасност е гужвата на тие места за капење. Познато е дека на јавните плажи или на базените во време на топлите летни денови, се собираат голем број на луѓе. Блискиот контакт со луѓето го зголемува ризикот од зараза, и не се препорачува престој во вода или надвор од неа, доколку не можете да држите физичко растојание од два метри.
ХИГИЕНСКИТЕ УСЛОВИ СЕ МНОГУ ВАЖНИ
Доколку сакате да одите на базен или на јавна плажа на река или езеро, проверете дали се спроведени дополнителни мерки на превенција. Со еден повик или преку интернет може да дознаете дали е ограничен бројот на лица кои престојуваат околу капалиштето и дали постојат обележани места за пешкири и лежалки кои се на безбедна оддалеченост. Треба да проверите и дали се спроведуваат засилени хигиенски мерки кои ги наметнува моменталната епидемиолошка ситуација.
