Боранијата е богат извор на витамините А, С и К, како и фолна киселина и влакна. Многу хранливи материи во неа, може да помогнат во спречување на бројни здравствени проблеми, како што е Алцхајмерова болест, дијабетес, атеросклероза, болести на срцето, акни,астма, артритис, инфекција на уво, па дури и настинка и грип.
Ова се само некои од добрите причини за вклучување на боранијата на листата намирници за вашето бебе.
Од боранијата малку е потешко да се направи мазно пире, но боранијата и тоа како е здрава за бебето. Обично се препорачува да во исхраната на детето се воведе во било кое време помеѓу 6. и 8. месец од животот.
Боранијата на листата намирници, ретко предизвикува алергиска реакција. Овој факт појаснува зошто овој зеленчук може да се воведе толку рано во бебешката исхрана.
Здравствените предности на воведувањето на боранија во исхраната на бебето подразбираат добар извор на протеини, витамини, фолати, високо ниво на диетески влакна, инфузија на антиоксиданти и есенцијални минерали, како што се калциум, железо, фосфор, калиум, магнезиум, натриум и цинк.
Иако, може да се воведе релативно рано во бебешката исхрана, поради можноста за појава на надуеност кај детето, најдобро е да се комбинира помала количина боранија со друг зеленчук.
