Медот е една од најздравите и најлековити намирници, но бебињата не би смееле да го јадат пред 12 месеци. Медот може да содржи спори на бактеријата Clostridium botulinum, која може да се размножи во бебешкиот дигестивен тракт и да предизвика ботулизам, ретка, но потенцијално фатална болест. Овие бактерии се обично безопасни за возрасните и за децата над една година, бидејќи нивниот цревен систем може да го спречи размножувањето на бактериите, но кај бебињата тие може да создадат токсини опасни по живот.
Купечките производи кои содржат мед, како што се житарки или готови кашички, безбедни се за бебето, бидејќи при нивната подготовка на висока температура, бактериите се уништени.
Агенцијата за храна и лекови (ФДА) ги тестирала природните засладувачи (како пченкарен сируп) и не пронашла опасни бактерии, но секако е препорачливо да се консултирате со вашиот педијатар, пред да му дадете било што на бебето.
