Според нутриционистот и ендокринолог од највисоката категорија Елена Сјуракшина, цели сливи може да се даваат на деца од две години. Во овој случај, потребно е да се отстрани семката од овошјето за да не се задави детето, а самата слива да се исече на големи парчиња.
На порана возраст, на бебињата им е дозволено да јадат сливи, но само во форма која е попогодна за варење. Така, на пример, по консултација со педијатарот и ако детето нема алергиска реакција, на бебе од шест месеци може да му дадете за проба, најмногу една кафена лажичка сок од слива. Ако нема негативна реакција, тогаш дозата може постепено да се зголемува до 50 мл (околу 10 лажички), а по една година – до 100 мл (20 лажички).
Следниот чекор е пире. Експертот препорачува да му се даде на детето дури после девет месеци како овошна дополна заедно со јаболка и круши.
Што е поздраво – свежи сливи или суви сливи?
Елена Сјуракшина забележала дека и свежите и сувите сливи се неверојатно богати со витамини А и Ц, калциум, калиум, фосфор, железо, а содржат и антиоксиданси, органски киселини, пектин и танини.
Сливата е богата со вредни материи кои му се потребни на организмот за одржување на здравјето и виталната енергија“, вели докторката. Според неа, ако сливи јаде умерено и во дози, тоа ќе му помогне на детето да го зајакне имунолошкиот систем, кардиоваскуларниот систем, да го зајакне црниот дроб, да ги отстрани токсините од телото, да го подобри варењето, особено ако детето страда од интестинална опструкција.
