Малку е веројатно дека бебето ќе почне да изговара било кој збор веднаш откако ќе почне да создава звуци, но на родителите им се отвора ново прашање: Кога бебињата воопшто кажуваат “мама“ и “дадо’ т.е “тато“?
Иако временсата лента може да се разликува од дете до дете – дури и во исто семејство – повеќето бебиња почнуваат со врзување слогови кои звучат како “мамамама“ или “дададада“ околу 7. месец, вели Џенифер Маета, јазично-говорен патолог која работи со деца од раѓањето до 6. година, во детската болница во Бостон.
Овие почетни звуци се само гугање, но како се приближуваат до 9. месец од животот, тие стануваат се подобри во изговарањето на вистински зборови. Тоа се уште не значи дека тие всушност знаат што зборуваат во тој момент.
“Тие би можеле да ве погледнат вас или таткото и да кажат мама или тато, но истото може да му го кажат и на поштарот. Ќе го кажат тоа било кому. Но, околу првата година, бебето веројатно ќе почне правилно да го употребува зборот во одреден контекст. А, кога тоа ќе се случи, тоа е магично. Кога ќе ве погледнат и ќе кажат мама или тато, тоа е најдобрата работа на светот“, вели педијатарката Даниела Фишер од Калифорнија.
Сепак, некои деца едноставно подобро можат да кажат “да“ отколку “мама. Д-р Фишер вели дека тоа не е оти повеќе ја сакаат дада, туку им е поедноставно да кажат д, отколку м. Но, ако мајката поминува повеќе време околу детето, таа може да биде во предност, истакнува д-р Фишер, бидеќи бебето може напрво да го изговори името на својот примарен негувател..
Кога се работи за поттикнување на развојот на јазикот кај детето општо, најдобар начин е читањето со бебето, играње, разговор.
