Најдобар начин да тестирате бременост е да почекате додека не ви изостане менструалниот циклус. Тестовите за бременост кои може да се купат во аптека тогаш најдобро ќе покажат резултат. Меѓутоа, ако сакате да дознаете порано, ќе ви наведем неколку работи кои може да ги земете предвид при избор на времето за тестирање.
ОВУЛАЦИЈА, ЗАЧНУВАЊЕ
Секоја жена е различна, и времето потребно да оплодената јајце клетка се смести во матката може да варира. Најчеста е заблудата дека имплантацијата се случува 7 дена по зачнувањето. Истражувањата покажале дека првиот знак на хормонот на бременост ХЦГ, поради имплантацијата, се јавува 6-12 дена по овулацијата, со тоа што кај 84% од бременостите, имплантацијата се случика помеѓу 8. и 10. ден по овулацијата.
Ако вашиот тест за бременост не е позитивен, тоа нужно не значи дека не сте бремена. Можеби подоцна сте имале овулација или кај вас процесот на имплантација траел подолго од просекот.
ЧУВСТВИТЕЛНОСТ НА ТЕСТОВИТЕ ЗА БРЕМЕНОСТ
Чувствителноста на денешните тестови за бременост може да варира. Колку е почувствителен, поголема е и шансата да ја откриете вашата бременост. Чувствителноста на тестот значи дека може да открие пониски нивоа на хормонот ХЦГ.
Исто така, секогаш може да се посоветувате и со својот гинеколог кој тест за бременост е најдобро да го направите.
