Кога ќе забележат дека нивното дете спие со подигнати капаци, родители главно се многу загрижени. Сепак, ноќниот лагофталмус, познат како спиење со отворени очи, е целосно безопасне и не е последица на некој здравствен проблем на детето, ниту укажува на пореметување на сонот, тврдат лекарите.
Иако оваа појава е многу честа кај новороденчињата (а, главно престанува до 12. или 18. месец од животот), науката се уште нема одговор на прашањето зошто некои деца спијат со отворени очи.
“Никој до сега не бил подготвен да финансира истражување на оваа тема“, истакнува д-р Тара Леви, и вели дека, според неа, ноќниот лагофталмус има врска со тоа што децата кај кои може да се воочи, имаат нешто подолга РЕМ фаза.
“Спиењето со отворени очи се јавува во текот на РЕМ фазата, кој е најактивен циклус во сонот. Оваа фаза кај бебињата трае подолго отколку кај возрасните – дури 50% од времето минато во спиење“, објаснува д-р Леви.
Но, ако детето и по 18 месец, спие со отворени очи и по неколку часа, задолжително обратете се кај педијатар, советува докторката. Во мал број случаи, можно е да се работи за малформација на капаците, што оневозможува затворање на очите. Исто така, забележани се и наследни случаи на ноќен лагофталмус.
