Децении наназад родителите речиси задолжително на женските бебиња им ги дупнуваат ушите додека се уште се мали и ова е добра одлука, бидејќи децата нема да се сеќаваат на болката или на трауматичното искуство. Меѓутоа, прашање е кога е вистинското време да им се дупнат ушите на децата и што се треба да се направи.
Педијатрите инсистираат ставањето обетки да се направи дури откако бебето ќе наполни шест месеци, па дури и подоцна.
„Со дупнувањето на увото се отвора можност за развој на разни инфекции, бидејќи децата на оваа возраст се уште го развиваат имуниот систем. Совет до родителите е да причекаат барем бебето да наполни најмалку шест месеци„, вели Венди Си Свансон, педијатар од Сиетл.
Уште еден важен совет до родителите е децата задолжително да ги однесат на дерматолог пред да се решат да им ги дупнат ушите, за да се утврди дали постои опасност од алергиски реакции кои може и да се искомплицираат. Важно е процесот да се направи на сигурно и проверено место.
Педијатрите велат дека двете недели по дупнувањето на ушите се најпроблематични и дека во овој период може да дојде до инфекции, па во таа насока се препорачува родителите да бидат внимателни и да користат се што стручното лице им советувало за дезинфекција.
