Можеби сте гледале видеа на социјалните мрежи каде што луѓе фрлаат мали бебиња во базен како дел од тренингот за пливање. Изгледа возбудливо, ама истовремено и страшно.
Ваквите видеа можат да ве натераат да се запрашате: дали е тоа безбедно? Кога треба децата да научат да пливаат? И дали не е веќе доцна за моето мало дете? Одговорот го има педијатарот д-р Ричард Со, кој е и горд татко на успешен пливач, за тоа кога, како и зошто да ги учиме децата да пливаат.
Никогаш не е прерано или предоцна да се започне со учење на пливање и да се развие чувство на сигурност во вода. Нема една единствена ‘најдобра’ возраст за сите деца, но, важно е да се чувствуваат удобно во вода и да знаат како да се заштитат, велат педијатрите
Кога е најдобро да се почне со часовите по пливање?
Американската академија за педијатрија препорачува повеќето деца да почнат да учат да пливаат најдоцна до 4 години. „Но, кај некои деца е подобро да се почне и порано“, вели д-р Со. Особено ако:
- Имате базен дома или на место каде што детето често престојува. Колку повеќе можности има детето да плива редовно, толку е поважно рано да научи за безбедноста во вода и основните вештини по пливање.
- Живеете блиску до езеро, река или друг природен воден басен. Децата се привлечени кон овие места, па ако имате вакво место во близина, вашето дете ќе биде побезбедно ако знае да плива.
- Поседувате или употребувате редовно чамец. Дури и ако не планирате да пливате додека пловите, важно е детето да е подготвено. Незгоди може се случат.
- Вашето дете е (или може да биде) аутистично. Истражувањата покажуваат дека деца со аутизам почесто одат сами без надзор, што ја зголемува опасноста од давење. Американскиот црвен крст наведува дека луѓето со аутизам имаат 40 пати поголем ризик од давење отколку општата популација.
Никогаш не е прерано или предоцна да се започне со учење на пливање и да се развие чувство на сигурност во вода. „Нема една единствена ‘најдобра’ возраст за сите деца,“ објаснува д-р Со. „Но, важно е да се чувствуваат удобно во вода и да знаат како да се заштитат.“
Совети како да ги навикнете децата на вода
Некои деца се како мали рипчиња — влегуваат во вода без страв. Други се плашат и им треба повеќе охрабрување. Тоа е сосема во ред. Ако вашиот мал пливач е нервозен пред да влезе во вода, можете да почнете полека, уште пред да запишете часови. Еве што препорачува д-р Со.
Почнете со бањање во када
Времето за бањање е добра прилика детето да се навикне на вода, да си игра и да стане пријател со водата.
„Често најголемиот страв на децата е да ја стават главата во вода,“ вели д-р Со. „Можете да им помогнете да се навикнат на тоа во контролирана средина.“ Пробајте да капнете вода нежно врз главата со чаша, цедалка или туш, и охрабрувајте ги да прават балончиња со уста додека се капат.
Децата кои не се навикнати на вода секогаш треба да имаат возрасен кој е до нив во базенот. Дури и децата кои знаат да пливаат, треба да бидат под надзор постојано. Ова е важно за безбедноста, но помага и детето да се чувствува посигурно
Кога ќе се почувствуваат пријатно, наполнете ја кадата малку повеќе од вообичаено (внимавајќи постојано) и охрабрувајте ги да дуваат балончиња во водата. Малите деца можат да се навикнат да носат очила за пливање дури и во када или под туш. Така ќе научат да ги отвараат очите додека им паѓа водата на лицето.
Вежбајте безбедност
Децата кои не се навикнати на вода секогаш треба да имаат возрасен кој е до нив во базенот. Дури и децата кои знаат да пливаат, треба да бидат под надзор постојано. Ова е важно за безбедноста, но помага и детето да се чувствува посигурно.
- Користете соодветна опрема за безбедност. Децата треба да носат спасувачки елек додека не покажат дека знаат добро да пливаат.
- Не заборавајте на кремот за сончање кога сте надвор. Изберете водоотпорен крем за сончање.
Придобивки од раното пливање
„Пливањето е како возење велосипед — вештина што секој треба да ја научи,“ вели д-р Со. Пливањето е важно за:
- Безбедност: Давењето е една од водечките причини за смрт кај деца во САД. Децата треба да знаат како да реагираат во водена опасност.
- Самодоверба: Учењето нови вештини, како што е пливањето, им помага на децата да развијат самодоверба, отпорност и цврстина.
- Вежбање: Водата е одлична за физичка активност и кардиоваскуларен тренинг, и за деца и за возрасни.
- Социјализација: Децата кои пливаат можат максимално да уживаат во забавите покрај базен и одморите на плажа. Никој не сака неговото дете да биде единственото што стои настрана додека другите уживаат во времето поминато во вода.
