Во текот на првите месеци на бебето, родителите навистина имаат проблеми со спиењето. Во тој период, многу е важно бебето да има добра исхрана, но и добар и квалитетен сон, за да физички, когнитивно и емоционално се развива. Кога и како бебето ќе достигне квалитетн сон, зависи од голем број фактори – возраста, тежината, темпераментот, околината, но најмногу од редовната рутина.
ШТО И ПРЕТХОДНИ НА ПРОСПИЕНАТА НОЌ НА БЕБЕТО?
- Моро-рефлекс (одговор на детето на предизвикувачи, како силни звуци, промени на температурата, изненадни движења). Овој рефлекс обично се губи до четвртиот месец
- Засилена исхрана, но и добивање на телесна тежина
- Намалено или проретчено доење во текот на ноќта
- Зголемена способност да се смири (цицање прст, рака или цуцла). Тоа му помага полесно да се успие тогаш кога ќе се разбуди во текот на ноќта
КОГА МОЖЕ ДА ОЧЕКУВАТЕ БЕБЕТО ДА ЈА ПРЕСПИЕ НОЌТА?
Бебињата обично може да спојат повеќе часови сон веќе во периодот помеѓу шестиот и седмиот месец.
До ова брзо ќе дојдете со елиминирање на ноќното хранење, што најчесто и се случува во овој период. Кај доените бебиња тоа може да биде малку подоцна, бидејќи мајчиното млеко побрзо се метаболизира.
Секако, имајте предвид дека секое дете е поинакво и има сопствено темпо.
КАКО ДА МУ ПОМОГНЕТЕ?
Ако мислите дека бебето е подготвено, постојат неколку работи кои можете да ги напаравите. Почнете да го легнувате во кревет тогаш кога тоа одговара на неговата возраст – околу 19-19:30 часот за деца помали од една година. Ако бебето остане будно до доцна, може да стане преморено, па ќе му биде многу потешко да заспие, почесто ќе се буди и тешко ќе станува наутро.
Добра идеја е и да создадете рутина на спиење за деца кои се постари од четири месеци. На бебињата им е потребна навика, бидејќи така се чувствуваат безбедно.
Иако звучи поедноставно да го ставите бебето во кревтче кога ќе се успие, подобро е да не го правите тоа.ставете го будно во креветче, бидејќи така ќе се научи кога е време за спиење. Кога вечерта ќе се разбуди, ќе се успие на истото место.
