Сезоната на бобинки е пред нас, па многу мајки се прашуваат дали на своите бебиња да им дадат малини, капини, рибизла… Ова прашање е важно, оти наведеното овошје спаѓа во намирници кои често доведуваат до алергиски реакции.
Алергиската реакција на некоја намирница може да се појави уште на самиот почеток н воведувањето, но и подоцна во бебешката исхрана, особено ако детето е склоно кон алергии. Исто така, алергијара може да се јави и ако некои намирници му се воведуваат на бебето многу пред времето кога се препорачува, а ова особено се однесува на високоалергените намирници, како што се бобинките, медот, цитрусите, кикирики…
Ако бебето е блиску до 12 месеци, и до сега немало алергиска реакција ниту на една намирница, можно е оваа сезона да му воведете некои бобинки (малини, капини, боровница, рибизла) во помали количини. Но, ако бебето има 6,7, но и 10 месеци се советува да се очека идната сезона, односно идната година, кога овие здрави намирници може да му ги давате на детето свежи.
